Amazon ចេញ​ឧបករណ៍​គ្រប់​គ្រង​តាម​សម្លេង

ឧបករណ៍នេះឈ្មោះថា Echo Show ទំហំអេក្រង់ 7​ អ៊ីញ ដែលអាចធ្វើការ បញ្ជាតាម អេក្រង់ ម្យ៉ាងវិញ ទៀតវាមាន លក្ខណៈសម្បត្តិ ច្រើនជាង ស៊េរីមុនៗ ឆ្ងាយ ដោយលើកនេះ មានកាមេរ៉ា ពីមុខសម្រាប់ Call ជាវីដេអូបាន ថែមទៀតផង។ Echo Show ស៊េរីថ្មីនេះ គឺមិនដូច ឧបករណ៍ បញ្ជាសម្លេង និងបំពង សំលេង ដូច ត្រកូល Echo មុនៗ ឡើយ គឺវាអាច ធ្វើការភ្ជាប់ ជា Wi-Fi ប្រើប្រាស់ កម្មវិធី  YouTube មើលវីដេអូបាន ទៀតផង។ បន្ថែមទៀតនោះ វាអាចបញ្ជា ជាសម្លេង គ្រាន់តែ និយាយជា ភាសាអង់គ្លេស ក៏បានផងដែរ ដោយវា បង្ហាញជារូបភាព និងវីដេអូតាម YouTube តែម្ដង ក្នុងការស្នើរ អោយវាចេញ ជាវីដេអូ  ចម្រៀង រឺ វីដេអូ អ្វីមួយ។
និយាយរួមទៅមាន Echo Show​ ហាក់បីមាន មិត្តសម្លាញ់កំដរ គ្នានិយាយ សួរគ្នាលេង រឺចង់ដឹង អ្វីៗដូចជា អាកាសធាតុ សំណួរអ្វីផ្សេងៗ​ ទាក់ទងនឹង ពិភពលោកបាន ផងដែរ។ ជាងនេះ ទៅទៀតនោះ វាក៏បានចេញ លក់ហើយ ក្នុងតម្លៃ 229$ សម្រាប់ទីផ្សារ អាមេរិច និងអាចរក ទិញបាន ក្នុងផ្សារ Amazon បានទៀតផង។
ប្រភព: GSM Arena