ស្វែងយល់ពី Collision Domain និង Broadcast domain

អត្ថបទ​នេះ​ចង់​ចែក​រំលែក​ជា​មួយ​អ្នក​ពី​វិធី​គិតតំបន់ Broadcast និង Collision។ តែ​ដំបូង​សូម​អ្នក​ចំនាយ​ពេល​បន្តិច​ថា​តើ​អ្វី​ទៅ​ជា Broadcast domain? និង​អ្វី​ទៅ​ជា Collision Domain?

Collision domain:collision គឺ​ការ​បុក​គ្នា មាន​ន័យថា​នៅ​កន្លែង​នោះ​សញ្ញាណ​អគ្គិសនី​បង្កើត​បាន​ជា​ការ​បុក​គ្នា​។ អ្នក​ស្រមៃ​ថា​​មាន​​ចរន្ត​អគ្គិសនី 2 ឬ​ច្រើន​រត់​លើ​បរិស្ថានចំលង​តែ​មួយ ពេល​នោះ​វា​នឹង​មាន​ការ​បុក​គ្នា​ កន្លែង​ដែល​បុក​គ្នា​នោះ​គឺ​ជា​បណ្ដុំ​របស់​ឧបករណ៍​ទាំង​អស់​ក្នុង​​តំបន់​ ណា​មួយ​ដែល​មាន​លទ្ធភាព​កើត​បាតុភូតិបុក​គ្នា​នេះ។

Broadcast domain:broadcast គឺ​ផ្សាយ​ចេញ នៅ​ពេល​កុំព្យូទ័រ​មួយ​ផ្ញើ​ទិន្ន័យ​តាម​ទំរង់​ផ្សាយ​ចេញ​នេះ​នោះ​គ្រប់​ កុំព្យូទ័រ​ទាំង​អស់​នឹង​ទទួល​បាន​ទិន្ន័យ​ដូច​គ្នា។
តំបន់​ទាំង​ពីរ​នេះ​ខុស​គ្នា Collision domain ធ្វើ​អោយ​ទិន្ន័យ​មាន​កំហុស កុំព្យូទ័រ​ដែល​រងចាំ​ទទួល​ទិន្ន័យ​មិន​អាច​សំរួល​​ទទួល​ទិន្ន័យ​នោះ​បាន។ ចំនែក​ឯBroadcast domain វិញ​គឺ​គ្រប់​កុំព្យូទ័រ​ទាំង​អស់​សុទ្ធ​តែ​ទទួល​បាន​ទិន្ន័យ​និង​សំរួល​ទិន្ន័យ​ទាំង​អស់នោះ។

Hub,Switch និង Router គឺ​ជា​ឧបករណ៍​សំរាប់​ចែក​បង្កើត​បណ្ដាញ ដើម្បី​កំណត់​តំបន់​ណា​ជា broadcast និង collision អ្នក​ត្រូវ​ចាំ​ចំនុច​ខាង​ក្រោម:
Hub: មិន​អាច​ចែក Collision domain និង Broadcast domain បាន​ទេ។ គ្រប់​កុំព្យូទ័រ​ទាំង​អស់​ដែល​ភ្ជាប់​ជាមួយ​នឹង Hub សុទ្ធ​តែ​ស្ថិត​នៅ​ក្នុង​ Collision domain និង​ Broadcast Domain តែ​មួយ។
Switch:ចែក Collision domain, តែ​មិនអាច​​ចែក broadcast domain។ មាន​ន័យ​ថា​គ្រប់​កុំព្យូទ័រ​ទាំង​អស់​ដែល​ដោត​ចូល​ក្នុង​រន្ធ​ interface (port) រួម​មួយ​របស់ Switch នឹង​មាន​ collision ខ្លួន​ឯង​មួយ។ គឺ​ថា​ Switch មាន​ប៉ុន្មាន​រន្ធ interface (port) នោះ​ក៏​មាន​ប៉ុណ្ណោះ collision domain ដែរ តែ​ពួក​វា​ទាំង​អស់​សុទ្ធ​តែ​ស្ថិត​ក្នុង broadcast domain រួម​មួយ។

Router:ចែក Collision និង​ចែក Broadcast។ មាន​ន័យ​ថា​មាន​ប៉ុន្មាន​រន្ធ​ទំនាក់​ទំនងទិន្ន័យ interface (port) លើ router នោះ​វា​ក៏​មាន​ចំនួន​​តំបន់ collision និង broadcast ក៏​ស្មើ​នឹង​ចំនួន​រន្ធ​នោះ​ដែរ។
ដាក់​តាម​លំដាប់​ខាង​លើ​ក្នុង​កន្លែង​បង្កើត​បណ្ដាញ​ងាយ​យល់​គឺ៖ ភ្ជាប់​បណ្ដា PC ទៅ Hub, រួច​ភ្ជាប់​បណ្ដា Hub ជាមួយ Switch, និង​បណ្ដា Switch ជាមួយ​ Router។