Apple និង Google ជាប់ឈ្មោះជាក្រុមហ៊ុនដែលមានតម្លៃប្រេនថ្លៃជាងគេបំផុតក្នុងឆ្នាំ2017

 Forbes តែងធ្វើការចាត់ចំណាត់ថ្នាក់ទាំង 100ទាក់ទងទៅនឹងក្រុមហ៊ុនដែលមានតម្លៃប្រេនថ្លៃជាងគេ។ ដូចអ្វីដែលអ្នករំពឹងអញ្ចឹង ភាគច្រើននៃក្រុមហ៊ុនទាំងនោះ គឺជាក្រុមហ៊ុនជំនាញផ្នែកអេឡិចត្រូនិច ហើយក្នុងនោះដែរ ក្រុមហ៊ុន Google និង Apple ក៏មានវត្តមានដូចគ្នា។ពោលគឺឡើងមួយលេខអាចនិយាយបានថា នេះគឺជាជោគជ័យដ៏ធំមួយបន្ទាប់ក្នុងឆ្នាំ2016។

ក្រុមហ៊ុន Apple ឈរនៅលំដាប់លេខ1 ដូចគ្នាទៅនឹងរាល់ឆ្នាំ ស្របពេលជាមួយនឹងក្រុមហ៊ុន Google ឈរនៅលំដាប់លេខ2 និងបណ្ដារក្រុមហ៊ុនដទៃទៀតដូចជា Microsoft, Facebook និង Amazon ឈរនៅលំដាប់បន្ទាប់ទាំង10។ មួយវិញទៀត សម្រាប់ក្រុមហ៊ុន Coca-Cola និង Disney គឺពុំមែនជាក្រុមហ៊ុនអេឡិចត្រូនិចទេ ប៉ុន្ដែពួកគេក៏បានឈរក្នុងលំដាប់ទាំង10 ដែរ។ ដោយឡែក មានតែពីរក្រុមហ៊ុនប៉ុណ្ណោះ ដែលពុំមានទីតាំងស្ថិតនៅសហរដ្ឋអាមេរិច តែមានឈ្មោះក្នុងចំណោមចំណាត់ថ្នាក់ទាំង10 នោះគឺ ក្រុមហ៊ុន Samsung និង Toyota។