កាមេរ៉ាជំនាន់ថ្មី Olympus TG-860 ផ្តល់​ទំនុក​ចិត្ត​កាន់​តែ​ខ្ពស់

Olympus TG-860 ជាកាមេរ៉ា ដែលរចនាឡើង​ជាមួយ​បច្ចេក​វិទ្យា​ស្រដៀង​​ទៅ​នឹង Olympus TG-850 ជាមួយ​សន្ទះ​អេក្រង់​ខាង​មុខ​អាច​បត់​បាន​ក្នុង​កម្រិត​មុំ 180 ដឺក្រេ បំពាក់​ដោយ​ប្រព័ន្ធ GPS និង​អាច​ភ្ជាប់​ទៅ​កាន់​ស្មាតហ្វូន ថេប្លេត តាម​រយៈ​ប្រព័ន្ធ Wireless ។

ជាមួយកាមេរ៉ានេះអាចធ្វើការថតរូប ជាមួយ​ល្បឿន​នៃ​ការ​ថត​បាន​យ៉ាងលឿន​ដល់​ទៅ 120 Frames ក្នុង​មួយ​វិនាទី ដោយ​ទទួល​បាន​នូវ​កម្រិត​វីដេអូ 854 x 480(16:9) ឬ 640 x 480(4:3)។ សម្រាប់​ចំណុច​សំខាន់​ពិសេស​នៃ​កាមេរ៉ា​ជំនាន់​ថ្មី​នេះ​មាន​បួន​គឺ អាច​ទ្រាំ​ទ្រ​នឹង​ការ​ធ្លាក់​ក្នុង​រយៈ​កម្ពស់ 2.1 ម៉ែត្រ អាច​ងូត​ទឹក​ក្នុង​ជម្រៅ 15 ម៉ែត្រ និង អាច​រង​នូវ​ការ​សង្កត់​ពី​លើ​ដល់​ទៅ 100 គីឡូ​ក្រាម ហើយ ចុង​ក្រោយ​នោះ​គឺ វា​អាច​ទ្រាំ​ទ្រ​នឹង​ស្ថានភាព​ត្រជាក់​ខ្លាំង ដល់​ទៅ -10 អង្សារ​។