គម្រូរាងពិសេស បង្ហាញពីទីតាំងថ្មី នៃប្រព័ន្ធស្កេនក្រញៅដៃ និងកាមេរ៉ារបស់ iPhone 8

លោក Sebastian Hou និង Brain Chen អ្នកវិភាគនៃក្រុម CLSA បានបង្ហោះផ្សាយ នូវគម្រូរាងថ្មីនៃ iPhone 8 ដោយជឿថា Apple នឹងបំពាក់ប្រព័ន្ធស្កេនក្រញៅដៃថ្មី នៅខ្នងខាងក្រោយរបស់ម៉ាសុីន ប្រហែលទៅនឹង S8 គ្រាន់ទីតាំងនៃការប្រើ មានភាពងាយស្រួលនិងរហ័សជាង។ ពួកលោកបន្ត: ទន្ទឹម នឹងការផ្លាស់ប្តូរប្រព័ន្ធ Touch ID ថ្មី Apple ក៏អាចនឹងបញ្ចូលនូវមុខងារដោះសោរដោយប្រើមុខ (Face Recognition) និង 3D Sensing ថែមទៀតផង។អ្វីដែលកានតែពិសេសជាងនេះទៅទៀត ទីតាំងកាមេរ៉ាត្រូវបានផ្លាស់ប្តូរមកជាប្រភេទបញ្ឈរវិញ ខុសពីជំនាន់ i7 Plus ។ វិមាត្រតួខ្លួនរបស់វាគឺ 144 x 71 x 7.69mm ដោយវាធំជាង iPhone 7 ប៉ុន្តែ នៅរក្សាតួខ្លួនតូចជាង 7 Plus ។

iPhone 8 ត្រូវបានគេរំឹងថា នឹងប្រកាសបង្ហាញទន្ទឹមជាមួយវត្តមាន iPhone 7s/7s Plus នាខែកញ្ញា គ្រាន់ថាការចេញលក់អាចត្រូវពន្យារពេលក្រោយនោះ ១ ទៅ ២ ខែ។​

iPhone ទំហំ​អេក្រង់​ថ្មី ៥,៨អ៊ីញ ប្រភេទ OLED ​ត្រូវ​សេចក្ដី​រាយការណ៍​អះអាង​ថា នឹង​ប្រើប្រាស់​អេក្រង់​គែម​ស្ដើង និង​មាន​លក្ខណៈ​កោង​ឃុប​នៅ​ផ្នែក​ចំហៀង ឆ្វេង-ស្ដាំ បន្តិច (edge-to-edge OLED) ប៉ុន្តែ​មិន​កោង​ខ្លាំង​ដូច​នៅ​លើ S8/S8+ ទេ។ iPhone 8 ត្រូវ​រំពឹង​ទៀត​ថា នឹង​ត្រូវ​ក្រុមហ៊ុន​ធ្វើ​បច្ចុប្បន្នភាព​លើ​សមត្ថភាព​ដំណើរការ៕
ប្រភទ: MacRumors