iPhone 8​ នឹងចាប់ផ្តើមផលិតនៅខែមិថុនា​ បង្ហាញខ្លួននៅខែកញ្ញា​

មួយរយះនេះហាក់មានការលេចឮដំណឹងអំពី​ iPhone 8 រាងច្រើនគួរសម​ ដោយឡែកនាខណះក៏មានការលេចឮដំណឹងមកទៀតហើយថា​ iPhone 8 នឹងចូលចង្វាក់ការផលិតនៅខែមិថុនា​ ព្រមជាមួយការប្រកាសបង្ហាញខ្លួននៅខែកញ្ញា​ ដោយឡែកខែដែលត្រូវដាក់លក់គឺនៅខែ​តុលា​ ។ 3 រោងចក្រដែលត្រៀមផលិត​ iPhone 8 រួមមានរោងចក្រដូចជា​ Foxconn Electronics, Winstron ហើយនិង Pegatron ។

ផ្អែក​តាម​របាយការណ៍​ថ្មី​មួយ ឱ្យ​ដឹង​ថា iPhone 8 ថ្មី​នេះ នឹង​ត្រូវ​ប្រកាស​ផ្លូវ​នៅ​ខែ​កញ្ញា ក្នុង​សន្និសីទ​សារព័ត៌មាន​មួយ ហើយ​នឹង​មាន​លក់​តាម​បណ្ដា​ហាង​ទូរស័ព្ទ​មួយ​ចំនួន​ចាប់ពី​ខែ​តុលា។ អតិថិជន​នឹង​អាច​បញ្ជា​ទិញ iPhone 8 ​ចាប់ពី​ថ្ងៃ​ប្រកាស នៅ​ខែ​កញ្ញា​ផ្ទាល់​តែម្ដង។ ​សេចក្ដី​រាយការណ៍​ជាច្រើន​កន្លង​មក សសុទ្ធតែ​បាន​អះអាង​ថា iPhone 8 ជំនាន់​ថ្មី​អេក្រង់ ៤,៧អ៊ីញ និង ៥,៥អ៊ីញ អាច​មាន​លក់​ចាប់ពី​ខែ​កញ្ញា ​ហើយ iPhone 8 អេក្រង់​ថ្មី​ OLED ​ទំហំ ៥,២អ៊ីញ​នឹង​មាន​លក់​តាម​ក្រោយ។
តែ​នៅ​ពេល​នេះ មាន​របាយការណ៍​ លើកឡើង​ថា iPhone 8 ទាំង​ ៣ម៉ូដែល គឺ iPhone 8 អេក្រង់ ៤,៧, iPhone 8 អេក្រង់ ៥,៥អ៊ីញ និង iPhone 8 អេក្រង់ ៥,២អ៊ីញ​ភ្ជាប់​ប្រភេទ​អេក្រង់​ថ្មី OLED ​ដែល​ផលិត​ដោយ​ក្រុមហ៊ុន Samsung អាច​នឹង​ត្រូវ​ប្រកាស​ចេញ​នៅ​ព្រឹត្តិការណ៍​សន្និសីទ​របស់ Apple រួម​គ្នា​នៅ​ខែ​កញ្ញា​ខាង​មុខ ហើយ​នឹង​មាន​លក់​ទីផ្សារ​ចាប់ពី​ខែ​តុលា។

ឆ្នាំ​នេះ iPhone ជំនាន់​ថ្មី អាច​នឹង​ត្រូវ​ក្រុមហ៊ុន​ធ្វើការ​ឌីហ្សាញ​ប្ដូរ​រចនាបថ​ថ្មី ហើយ​ទាំង ៣ម៉ូដែល​អាច​នឹង​ផលិត​ពី​ដែក​អ៊ីណុក (stainless steel) ហើយ​ក្រាល​ដោយ​កញ្ចក់​នៅ​ផ្នែក​ខ្នង​ទូរស័ព្ទ ហើយ​នឹង​បំពាក់​ដោយ​បន្ទះ​ឈីប​ជំនាន់​ថ្មី A11 processor របស់ Apple និង​ដំណើរការ​ដោយ iOS 11។

iPhone ទំហំ​អេក្រង់​ថ្មី ៥,៨អ៊ីញ ប្រភេទ OLED ​ត្រូវ​សេចក្ដី​រាយការណ៍​អះអាង​ថា នឹង​ប្រើប្រាស់​អេក្រង់​គែម​ស្ដើង និង​មាន​លក្ខណៈ​កោង​ឃុប​នៅ​ផ្នែក​ចំហៀង ឆ្វេង-ស្ដាំ បន្តិច (edge-to-edge OLED) ប៉ុន្តែ​មិន​កោង​ខ្លាំង​ដូច​នៅ​លើ S8/S8+ ទេ ។ iPhone 8 ត្រូវ​រំពឹង​ទៀត​ថា នឹង​ត្រូវ​ក្រុមហ៊ុន​ធ្វើ​បច្ចុប្បន្នភាព​លើ​សមត្ថភាព​ដំណើរការ៕
ប្រភព: DigiTimes