CPU ជំនាន់​ថ្មី​​ Intel Core i9 អាច​ចេញ​ឆាប់ៗ​នេះ

យោង​តាម​រូបភាព​មួយ​សន្លឹក​លេច​ចេញ​ក្នុង​វេទិកា​ Anandtech បាន​បង្ហាញ​​ពី​​​បញ្ជី​រាយ​ឈ្មោះ​អង្គ​គណនា​ជំនាន់​ក្រោយ​ Core i9 របស់​ Intel។

​ទម្រង់​ឈីប​ ៤ ប្រភេទ​ផ្សេង​គ្នា ចន្លោះ Core i9-7800X ដល់​ Core i9-7920X ​ឈីប​ទាំង​នោះ​មាន​ ៦ Cores និង​ ១២ ហើយ​ល្បឿន​ចាប់​ផ្ដើម​អប្បបរមា​ចន្លោះ​ពី 3.5GHz ទៅ​ដល់ 4.0GHz Turbo 2.0 ។​ ចំណែក​ឯ​ Pcle Lanes អាច​គាំទ្រ​បាន​ចន្លោះ​ពី ២៨ ដល់ ៤៤ ហើយ​កង្ហារ​ចាប់​កម្ដៅ (TPD) ​អាច​រត់​បាន​ដល់ ១៤០ វ៉ាត់​។

​វា​នឹង​អាច​នឹង​ចេញ​​នៅ​អំឡុង​ខែ​មិថុនា ប៉ុន្តែ​សម្រាប់​ជំនាន់​ខ្លាំង​បំផុត Core i9-7920x នឹង​ចាប់​ផ្ដើម​បង្ហាញ​នៅ​ខែ​សីហា​ឯ​ណោះ​។ ទាក់ទង​នឹង​តម្លៃ​ យើង​ពុំ​ទាន់​ទទួល​បាន​ព័ត៌មាន​ច្បាស់​ជាក់លាក់​ណា​មួយ​នោះ​ទេ ប៉ុន្តែ​អាច​មិន​ថោក​ប៉ុន្មាន​ឡើយ​។