សរសេរ​កម្មវិធី Android ដោយ​ប្រើ​ទូរសព្ទដៃ

ក្នុង​ការ​សរសេរ​កម្មវិធី​សម្រាប់ Android យើង​តែង​តែ​សរសេរ​ក្នុង​កម្មវិធី Eclipse ឫ​កម្មវិធី​ផ្សេងៗ​ជា​ច្រើន​ទៀត​នៅ​លើ​ម៉ាស៊ីន​កុំព្យូទ័រ។ មក​ដល់​ចំណុច​នេះ គេ​តែង​តែ​គិត​ថា ទូរសព្ទ (mobile devices) មិន​អាច​មាន​សមត្ថភាព​គ្រប់​គ្រាន់​ក្នុង​ការ compile code ​ទេ។

AIDE គឺ​ជា​កម្មវិធី integrated development environment (IDE) ដែល​ត្រូវ​បាន​បង្កើត​ឡើង​ក្នុង​គោលបំណង​ដើម្បី​អាច​ឲ្យ​អ្នក​ប្រើប្រាស់​ Android device អាច​សរសេរ​ ឫ​អភិវឌ្ឍ​កម្មវិធី​សម្រាប់ Android នៅ​លើ device នោះ​ផ្ទាល់​តែ​ម្តង។ ​កម្មវិធី​នេះ បាន​ដាក់​ភ្ជាប់​មក​ជាមួយ​នូវ​មុខងារ ជា​ច្រើន​ដូច​ជា Rich editor, code completion, real-time error checking, refactoring ក៏​ដូច​ជា smart code navigation ជា​ដើម។

AIDE អាច​យក​មក​ធ្វើ​ការ​សរសេរ​កម្មវិធី​ Java console applications ឫ​ក៏​កម្មវិធីដែលប្រើប្រាស់​ Java/Xml និង the Android SDK ក៏​ដូច​ជា​កម្មវិធី​ដែល​ប្រើប្រាស់ C/C++ និង Android NDK បាន​ផង​ដែរ។ AIDE អាច​ compatible ជាមួយនឹង​ projects របស់ Eclipse ឫ​ក៏​ Android Studio បាន​យ៉ាង​ពេញ​លេញ ដូច​នេះ​លោកអ្នក​អាច​ធ្វើ​ការសរសេរ​កូដ​ និង​ធ្វើ​ការ​បញ្ចូន sourcecode ទៅ​វិញ​ឫ​ទៅ​មក រវាង​កុំព្យូទ័រនិង​ទូរសព្ទ ឫ​រក្សាទុ​ក​នៅ​ក្នុង Dropbox ក៏​បាន។ AIDE ក៏​អាច​ support Git សម្រាប់​ការ​ប្រើប្រាស់ professional development បាន​ផង​ដែរ។