កំពូលស្មាតហ្វូន Huawei Honor V9

ថ្មីៗនេះក្រុមហ៊ុន Huawei បានបញ្ចេញកំពូលស្មាតហ្វូនជំនាន់ថ្មីរបស់ខ្លួនមានឈ្មោះថា V9។ ជារឿយៗ យើងសង្កេតឃើញថា Huawei តែងបំពាក់មុខងារក៏ដូចជាសមត្ថភាពខ្លាំងៗ បូករូមជាមួយរូបរាងដ៏ស្រស់ស្អាតនៅលើនៅលើទូរស័ព្ទរបស់ខ្លួន ដូចជា V9 មួយនេះអញ្ចឹង។

វាបំពាក់អេក្រង់ទំហំ 5,7 អ៊ីញប្រភេទ LCD LTPS 2K QHD បំពាក់ RAM 6GB ដំណើរការលើប្រព័ន្ធប្រតិបត្តិការ Android 7.0 Nougat EMUI 5.0 ប្រើប្រាស់បន្ទះឈីប Kirin 960 កាមេរ៉ាភ្លោះក្រោយ 12 មេហ្គាភិចសែល ថតវីដេអូបានក្នុងកម្រិត 4K កាមេរ៉ាមុខ 8 មេហ្គាភិចសែល មេម៉ូរីម៉ាស៊ីន 64/128GB ថាមពលថ្ម 4.000mAh។ Huawei V9 នឹងចេញជាផ្លូវការនាថ្ងៃទី 28 ខែកម្ភៈក្នុងពិពណ៌ពិភពលោក Mobile World Congress 2017 ខាងមុខ តម្លៃរបស់វាប្រហាក់ប្រហែល 2,999 យ័ន រឺស្មើនឹង 435$ ។