Oppo Find 9 លេចធ្លោមិនចាញ់ Galaxy S8

រយៈពេល ៤ ឆ្នាំហើយ នៃ​ការដាក់បង្ហាញម៉ូដែល OPPO Find 7 ប៉ុន្តែវាហាក់បីជាពុំទទួលបានលទ្ធផលល្អនោះឡើយ រហូតដល់តម្រូវឱ្យក្រុមហ៊ុនយក្សប្រទេសចិនមួយនោះ បង្វែទៅផលិតត្រកូល R Series វិញម្តង។ យ៉ាងណាមិញ សម្រាប់ពេលចុងក្រោយនេះ មានរបាយការណ៍មួយបង្ហើបប្រាប់ ពីរូបរាងរបស់ Find 9 ដែលមកលើកនេះ រាងពិសេសបន្តិច។
គណនីនៃប្រព័ន្ធ Weibo មានឈ្មោះថា @kjuma បានបង្ហោះចេញផ្សាយនូវគម្រូរាងទូរស័ព្ទមួយ ដែលបញ្ជាក់ថាជា Oppo Find 9 មានអេក្រង់ពេញពិសេស និងគ្មានគែមសងខាង ដូចទៅនឹង Galaxy S8 ក៏ដូចជា LG G6 ដែលទើបបង្ហាញខ្លួនកាលពីខែមិនាកន្លងទៅដែរ ។ បន្ថែមពីនោះទៀតគេជឿថា វត្តមានស្មាតហ្វូននេះ នឹងមកដល់នៅក្នុងឆ្នាំ ២០១៧ ទន្ទឹមនឹងការបំពាក់នូវបន្ទះឈីបជំនាន់ចុងក្រោយ Snapdragon 835 របស់ Qualcomm ថែមទៀតផង។
ប្រភទ: GizMochina