កម្រាស់តួខ្លួន iPhone 8 នឹងខុសឆ្ងាយពីជំនាន់មុន

រចនាបថថ្មី នៃគម្រូរាង iPhone 8 ត្រូវបាន គេទម្លាយចេញ នៅលើបណ្តាញសង្គម Weibo របស់ប្រទេសចិន ដោយចង់បញ្ជាក់ពីវិមាត្រតួខ្លួនរបស់ iPhone ម៉ូឌែលនោះ គឺ 149.5 x 72.5 x 8.6មម ដែលមានន័យថា កម្រាស់តួខ្លួន របស់ iPhone ជំនាន់ក្រោយ នឹងក្រាស់មែនទែន ដល់ទៅ ៨,៦ មម ឯណោះ ។​

បញ្ជាក់ថា សម្រាប់ iPhone 7 និង iPhone 6s មានកម្រាស់ស្តើងដូចគ្នា ៧,១ មម ដែលក្រាស់ជាង iPhone 6 ធម្មតា ប្រមាណ ០,២មម ព្រោះតម្រូវបំពាក់ប្រព័ន្ធ 3D Touch ។ យ៉ាងណាមិញ សម្រាប់កម្រាស់តួខ្លួន iPhone ជំនាន់ក្រោយ ដែលកាន់តែក្រាស់ជាងមុននោះ ក៏អាចធ្វើឱ្យអ្នករង់ចាំមួយចំនួន ហាក់បីជាមិនពេញចិត្តនោះដែរ ប៉ុន្តែ បើអាចមានបច្ចេកវិទ្យាពិសេសអ្វីផ្សេង មកសងជំនួសវិញ មតិរបស់អ្នកប្រើប្រាស់ អាចនឹងផ្លាស់ប្តូរក៏ថាបាន។ប្រភព: TechnoBuffalo