ដ្យាក្រាមដែលបង្ហាញឡើងជឿថាជាដ្យាក្រាមដែលគេប្រើក្នុងដំណើរការដំឡើងដើម្បីជួយក្នុងការផលិតiPhone 8។ តាមដ្យាក្រាមបានបង្ហាញដែរថា iPhone ពិសេសផលិតសម្រាប់ខួបដប់ឆ្នាំនៃការកកើត iPhone នេះនឹងមានអេក្រង់ទំហំ ៥,៨ អ៊ីញដែលប្រើកញ្ចក់រាងកោង 2.5D និង មានបំពាក់ជាកាមេរ៉ា 3D សម្រាប់ស្កេនមុខនៅផ្នែកខាងមុខទៀតផង។
យោងតាមប្រភពបានឲ្យដឹងដែរថា ប៊ូតុងបន្ថែម/បន្ថយសំឡេង និង ប៊ូតុង Power នឹងលែងជាប៊ូតុងដែលមានគ្រាប់ចុចទៀតហើយ ប៉ុន្តែអ្នកនឹងមានអារម្មណ៍ដឹងពីរំញោចនៅពេលអ្នកបន្ថែម/បន្ថយសំឡេង ឬ បើកទូរសព្ទឡើង។ ចំពោះប៊ូតុង Home គឺមានប្រវែងវែងគួរសមអាចប្រើសម្រាប់មុខងារពីរផ្សេងគ្នា ហើយទ្រនាប់ស្កេនក្រយៅដៃនឹងបំពាក់ក្រោមផ្ទៃអេក្រង់ខាងមុខ។ ចំណែកកាមេរ៉ាភ្លោះវិញបានប្ដូរទៅជាប្រភេទខ្សែបញ្ឈរវិញ។
រំលឹកថាកាលពីខែមីនាឆ្នាំ ២០១៤ ក៏មានបុគ្គលិកធ្វើការនៅរោងចក្រ Foxconn បានបញ្ចេញរូបភាពបង្ហាញពីការឌីហ្សាញរបស់ iPhone 6 ហើយចុងក្រោយរូបភាពដែលបង្ហាញមុនរយៈការបង្ហាញផ្លូវការ ៦ ខែក៏បានក្លាយជារូបភាពពិត៕
Post A Comment: